منتدى الفرح المسيحى - غراب ضمن حداية والأتنين طايرين..!!

غراب.. وحداية
لكل مثل حكاية ورواية
ومثلنا اليوم
ــــــــــــ
غراب.. ضمن حداية
والأتنين طايرين.
،،،،،،،،،،،،
يحكى أن أبو قردان كان فى يوم فرحان
شايف قدام عنية
فراخة الصغيرين ماليين الدنيا علية
كان قلبة مسرور
والفرحة مالية عنية
كان دايما شاكر الله
على كثرة عطاياة
*****
وف يوم أسود مشئوم
أجتمعت طيور البووووم
أستكتروا الفرحة علية
قالوا يلا بنا نزلوة
ونطير البسمة من على وجهة
والنوم ما يعرف عنية
****
قالوا مين عندة مكر ودهاء للمهمة
يعرف يتمم الرواية
بعتوا الست حداية
خطفت فرخ من ولادة
فى سهو منة
ومن ورا عنية
****
أبو قردان .. جن جنونة
ماشى يصرخ .. هزيل تعبان
جناحاتة ماعات.. تقوى ع الطيران
*****
تفكيرة .. هدااااااااة
يروح بسرعة .. يقدم شكواة
خبط ع الباااااااااااااااب
بعد إحم.. ودستوووور
دخل ع البية المسئوووول
شاف قدامة العم غراااااب !!
أصلة هو جووووز الحداية
حكى لة كل الحكاية
والغراب قاعد مفنجل عنية
قال يعنى صعبان علية !!
****
رد الغراب السهتان
قال لة : كيف وإزاى ولية ؟؟
أحنا طيور الغابة
ع الشر والخير مجتمعين !!
ما حدا يقدر يفصل بين الأتنين
وعد منى يوم ولا يومين
تكون عندك ضناك ضى العين
*****
عشان أبو قردان طيب وصريح
صدق الكلام المزوق المريح !!
وهاااااااااااااات بوس فى الأيادى والمديح
******
راجع لعشة فرحان وسعيد
والنار اللى فى قلبة ماعادت تقيد
قابلة عصفور صغنن أسمة أبو الفصاد
قال لة أية ياعم أبو قردان أية الجديد ؟؟
حكى لة رد الغراب اللى فاكرة مفيد !!
****
ضحك أبو الفصاد هع هع هع
والدمعة نازلة على خدية
وقااااااااااااااااااااال
غراب ضمن حداية
والأتنين طايرين
ياولد العم دول الأتنين
ع الغنيمة من زمن متفقين
****
أنا كنت زيك ورحت فى يوم أشكى
ومن كتر حزنى وهمى
ومن صوصوتى وأنا أبكى !!
خف وزنى من ألمى
حتى أنظر يا أبن العم على جسمى
نصيحة ليك. لغير ربك ماتشكى
هو الوحيد اللى يطمنك...
ويرفع حزنك ..
ويشيل عنى حملى وهمى
******
المعنى فى بطن الشاعر
القاهرة فى 24 / 9 / 2011