منتدى الفرح المسيحى - المسيح عاش زينا ومات لأجلنا

https://upload.chjoy.com/uploads/164764310396691.jpg

أغلب القادة والرؤساء في العالم
على مر التاريخ.. بيطالبوا الناس اللي بتحبهم
إنهم يمشوا وراهم،
وكل ما الشخص بيزيد متابعيه..
كل ما بيحس بأهميته في الحياة..
وكتير من الناس بتقيس نجاح القائد،
بكثرة عدد الناس اللي ماشية وراه..
ولما القائد بيبقى مشهور ويتعرف،
بيبدأ إنه يستخبى من الناس ويخليهم يدوروا عليه..
وبيحاول إنه يعيش بطريقة مميزة
ومختلفة عن الناس اللي حواليه..
لكن في قائد كان مختلف
عن كل القادة اللي كانوا قبله أو بعده..
وده لأنه قرر إن هو اللي يقرب من الناس ويدور عليهم،
ومش بس كده، لكن كمان اختار إنه يعيش زيهم..
واجه كل مشاكلهم وتحدياتهم،
رغم إنه كان ملك عظيم جداً..
لكنه ارتضى إنه يعيش ببساطة وفقر..
والسبب الوحيد اللي خلاه يعمل كده..
إنه حب الناس محبة بلا شروط.
الشخص ده هو يسوع المسيح..
الله الظاهر في الجسد..
اللي قرر إنه يتجسد ويعيش وسط الناس
ويحس بيهم وبأوجاعهم وألمهم..
وعمل كل ده علشان يخلصنا من خطايانا وذنوبنا،
ويفتح لينا طريق للعلاقة الحقيقية مع الله..
المسيح عاش زينا ومات لأجلنا..
علشان يوهب لينا حياة مختلفة ومميزة. 😍