منتدى الفرح المسيحى - أنا كنيستك مستعدة للقائك جاهزة وشايلة المصباح💜

https://upload.chjoy.com/uploads/164759826555121.jpg

كانت عبدة مأسورة ماتعرفش معنى الحرية..⛓️🔐🔐
وجه الأعظم عشان ينادي عليها بعتق💜..
عشان يحررها، ويديها عزاء بدل النوح..
ويديها جمال بدل كل سواد هبب هدومها..
عشان يرجعها عزيزة مجيدة👸🏻.. فرحانة بدل أي يأس دب جواها..
وسماها شجرة البر الجميلة🌳.. اللي غرسها بإيده وعوضها عن كل خجل💪🏻.. وأداها فستان أبيض جميل محدش شاف في جماله قبل كده 🤍..
وبدأ يزينها ويديها حُلي بيلمع.. وبقت عروسة جميلة أسمها على أسمه👰🏻‍♀..
شايفها دلوقتي شايلة المصباح منتظرة بشوق لقاء العريس🪔🪔.. وكل اللي يشوفها يقول أيه الجمال ده..
ويعرف سر انتظارها أصلها عايشة سنة مقبولة..
شكرا عشان كل قبول ليّ💜 ..
شكرا على كل ستر بتغطي بيه عيوبي 💜
في يوم جديد منتظرة جمال أكتر وزينتك تحليني كمان وكمان💜 ..
أنا كنيستك مستعدة للقائك جاهزة وشايلة المصباح💜 ..
"فَرَحًا أَفْرَحُ بِالرَّبِّ. تَبْتَهِجُ نَفْسِي بِإِلهِي، لأَنَّهُ قَدْ أَلْبَسَنِي ثِيَابَ الْخَلاَصِ. كَسَانِي رِدَاءَ الْبِرِّ، مِثْلَ عَرِيسٍ يَتَزَيَّنُ بِعِمَامَةٍ، وَمِثْلَ عَرُوسٍ تَتَزَيَّنُ بِحُلِيِّهَا." (إشعياء ٦١: ١٠)