منتدى الفرح المسيحى - قواعد ما عرفناهاش في المدرسة

https://upload.chjoy.com/uploads/164742602106351.jpg

قواعد ما عرفناهاش في المدرسة

١-اول قاعدة في الصيد : أي شيء يبان سهل هو فخ ..

٢-اي عرض مقدم ليك : شرح لفوائده الكبيرة ، و إخفاء لعيوبه الاكبر ، مفيش حاجة ببلاش !

٣-تليفون في وقت غير مناسب ،
او اتصال مع إلحاح غير مناسب ،
جهز نفسك لحاجة من ٣ ..

يبقي طلب خدمة
او مصلحة
او توريطة ..

٤-اي مناقشة حادة مع اي حد علي اي موضوع
يبقي عاوز يقنعك برأيه ، و مش عاوز يسمعك ..
يبقي ريحه و أفهمه، و حاجة من ٣ تعملها:
يا توصل لحلول وسط ..
او تؤجل القرار و تفكر علي مهلك ..
او تعتذر و "تخلع " (تبعد بذكاء) ..

٥-مش كل الناس سوية : فيه ناس (مش قليلة)
عندها اضطرابات نفسية و ممكن تسببلك العيا اكتر من عياها هي ..

يبقي يا تسايسها لو مش قادر تبعد عنها لأي سبب ، يا تاخد ديلك في سنانك و تتجاهلها او تبعد عنها و تشتري راحة عقلك ..

٦-لما تلاقي علاقة تاعباك ، او متورط فيها،
افضل تلاقي مخرج آمن و تبعد علشان ما تسببش عداوة معاها ..

٧-اطلب حقك بالحكمة و المودة ، لكن اوعي تعادي حد
او تتخانق او تخش في خلافات ..
فيه ناس سيئة و عندها خلق لصراعات لا تنتهي
و ممكن تقعد وراك تنتقم لكرامتها بلا ملل ..
يبقي خسارة قريبة و لا مكسب بعيد ..

٨-اوعي تتكلم و انت غضبان و لا توعد و انت فرحان
.. خد جنب و فكر لوحدك ، و كل ما تأخر لسانك و كلامك يبقي احسن ..

٩-ادي الناس حقوقها قبل ما تطلب ، كرامتك تعلي..

١٠-اعمل بس اللي تعرفه و تقدر عليه ، و اوعد بس باللي تقدر تلتزم بيه ، و اعتذر بدل ما تتورط و تقل من نفسك .