منتدى الفرح المسيحى - كل يوم شغل شغل شغل

https://upload.chjoy.com/uploads/164741364038411.jpg

مرة كنت بآخد كورس لبناء الشخصية وكنت لازم اقدّم واجبات ليه ...
بس اتفاجئت إني مش باعمل منها حاجة 😅
لأن شغلي و الحاجات اللي باعملها كتير قوي و شاغلة وقت كتير لدرجة إني مش عارف أستمر في الكورس …🙁

ساعتها حسيت إن فيه أوقات كده من كتر الشغل
ومن كتر الحاجات اللي بنهتم بيها… بننسى نفسينا 🤨
بننسى إننا محتاجين نعمل حاجة لنفسنا…
حاجة كده تخلينا أفضل وأحسن
و كأننا بناخد قرارات علشان نتغير 💪
وفي وسط زحمة الدنيا بننسى ننفذ 😅
أوقات كده باحس من كتر الشغل و المشغولية
إني خلاص مش لازم أتغير 🤚
مش لازم آخد خطوات تكبرني و تغيرني
كفاية اللي أنا فيه 🙇🏻

بس الفكرة إني محتاج أتغير …
محتاج أتشكل…
محتاج أتقدم…
و عايز أكون شخصية أحسن حتى لو وسط شغلي
ووسط كل اللي أنا فيه أحاول أعمل حاجة
ولو صغيرة بإستمرار علشان أبقى أحسن👌💜