منتدى الفرح المسيحى - صالحوا بعض (٢)

https://upload.chjoy.com/uploads/164724287434751.jpg

بعد (مش قبل) ما تصفي الزعل فيه حاجة من ٣ ح تحصل ..

يا يعرف قيمة محبتك و ذوقك و يعرف انه هو برضه غلط
، و تنصلح العلاقة (مش لازم يعتذر بوضوح) ..
ساعتها نقولك مبروك علي الخير اللي عملته ..

او يخش في جدال طويل علشان يثبت انه صح ،
و ساعتها لو كملت جدال الزعل ح يتضاعف و الخساير ح تزيد ..
يبقي تراضيه و تقوله "احترم و جهة نظرك "،
و ابعد شوية ، و ساعتها تسيب الايام
ممكن الوقت يصلح العلاقة ..

يا اما المناقشة تحتد و حتي اعتذارك لا ينال رضاه ..
بالذات لو تلاقيه بدل ما يقدر محبتك يكمل غلطه
، او يخلص القعدة و كام يوم و يعيد سلوكه و يعتبر اعتذارك ضعف ..

العتاب هنا خسارة و العلاقة دي ما تنفعش ، و تبقي تبعد بحكمة و هدوء.