منتدى الفرح المسيحى

https://upload.chjoy.com/uploads/164723770390041.jpg

فتحت قلب واحد مجروح ؟؟
شفت اللي فيه ؟؟

بعد الظلم و الكسرة و الحرمان و تخلية الناس و قهرهم ..

قلب يكلمك عن الخوف من الايام
، و فقدان الثقة في الناس و عدم الأمان، و الرعب من بكرة ..
قلب تبلدت مشاعره ، لا بيفرح و لا حتي بيحزن
، خايف من الأمل، خايف يضحك لا يبكي بعد كده
و خايف يزعل لحسن ما حدش يحس بيه !

قلب عارف ان ما حدش وقف جنبه
و لا حد ح يقف جنبه و لا ياخد بحسه ..
قلب مخبي حطام من الانقاض ،
و يبكي في صمت علي دنيا لا يوجد فيها من أكرمه او جبر بخاطره ..

يبقي تخليك حنين علي القلوب ؛
و ياما ناس شايلة وجعها بين ضلوعها و مخبية دموعها ورا ضحكة حزينة ، و مدارية عن الناس زعلها بكرامة و عزة نفس ..