لكل يوم زوّادة: ليش لمّا نحلم منغمّض عيوننا ؟

ليش لمّا نحلم منغمّض عيوننا؟ ليش لما نفكّر بإشيا حلوة منغمّض عيوننا؟ ليش لمّا نصلّي و نرتّل منغمّض عيوننا؟ و غيرا و غيرا من المواقف...عنجد ليش قولكن؟! السبب بسيط: لأنّو في اشيا ما بتشوفها العين و اذا شافتها ما بتعطيها حقها بس القلب بيحسّ فيها! لمّا تغمّض عيونك بتكون عم تعطي الضَو الأخضر لقلبك يحسّ بكل تفصيل و يروح فيه للآخر. لمّا تصلّو من كل قلبكن بلا ما تفكرو رح تغمضو عيونكن و تركزو عا يسوع وحدو و تسمعو صوتو قد ما كان فيه ضجّة حولكن و تحسّو بوجودو حدكن... غمضو عيونكن عن كل شي بشع و افتحو بواب قلبكن للربّ و الله معكن.