منتدى الفرح المسيحى - اطمن هو مش ناسيك

https://upload.chjoy.com/uploads/164712134512781.jpg

فى وقت من الأوقات كان عندي حاجة مهمة في شغلي واضطريت إني اسيب بنتي الصغيرة اكتر من ١٢ ساعة …
وكان لسه عندها شهور وأنا فاكرة كويس أوي إن طول الوقت ده هى مغابتش عن بالي لحظة وكانت شاغلة كل تفكيري لدرجة أني مكنتش قادرة أركز فى الشغل وكان بيتقالي انسيها شوية ... ومش هيحصلها حاجة لكن انا طبعاً مقدرتش أنساها لحظة 💜

الوقت ده ربنا كلمنى فى الآية دى «هَلْ تَنْسَى الْمَرْأَةُ رَضِيعَهَا فَلاَ تَرْحَمَ ابْنَ بَطْنِهَا؟ حَتَّى هؤُلاَءِ يَنْسَيْنَ، وَأَنَا لاَ أَنْسَاكِ." (إش 49: 15)
و قالى وأنا كمان باعمل معاكى كده… إنتي شاغلة بالي بكل تفاصيلك
، إنتي مهمة عندي ومقدرش أنساكي حتى لو أقرب الناس ممكن تنساكى لكن إنتي في تفكيري 💜

عشان كده النهاردة لازم تبقى عارف أنه مش ناسيك
مش ناسي كل تنهيدة ودمعة نزلت قدامه…
مش ناسي كل ضغط وتعب بتمر بيه
مش ناسي كل ظلم اتعرضت ليه…
مش ناسي كل مرارة دوقتها من ناس حواليك
مش ناسي كل خير قدمته واتردلك بالشر…
اطمن هو مش ناسيك