منتدى الفرح المسيحى - غمض عينك وقوله ( اذكرني يارب متي جئت في ملكوتك)

https://upload.chjoy.com/uploads/164706701061771.jpg

اوقات من كتر التعب بتقول لنفسك انا هاحط راسي علي المخده هانام علي طول
بس فجاءه وانت راسك علي المخده وهاتبداء ترتاح تبداء تفكر في مليون فكره والنوم يروح من عينك
لو ده حصلك استغل الوقت ده وحاسب نفسك
هو انا غلطت في ايه انهارده ؟هو انا حاولت اعمل ايه كويس انهارده ؟ هو انا زعلت من ايه ؟ طب ايه فرحني انهارده ؟ طب شكرا يارب علي كذا ؟ طب ساعدني بكره اعمل كذا وكذا ؟
وتقوله يارب يمكن النوم راح من عيني رغم اني مهدود
بس اللي مريحني ان عينك انت عليا حتي لو انا ماليان بالتعب ومش بس جسمي مهدود حتي لو نفسيتي مهدوده
وغمض عينك وقوله ( اذكرني يارب متي جئت في ملكوتك)