منتدى الفرح المسيحى - الانطباعات الأولى مش لازم تدوم.

https://upload.chjoy.com/uploads/164703442084281.jpg

علماء النفس بيقولوا
إن الإنسان بيحتاج عُشر ثانية..
علشان يكون أول انطباع عن الشخص اللي قدامه،
والغريبة إن مقاييس الانطباعات دي
بتبقى مختلفة من واحد للتاني..
ففي أشخاص بتبني انطباعتها
من خلال الشكل والهدوم وطريقة الكلام..
وغالباً انطباعتنا الأولى بتكون نابعة
من مشاعرنا مش من أفكارنا..
المشكلة الكبيرة إن أغلب الناس
بتصدق انطباعاتها الأولى عن اللي حواليهم..
ومش بيحاولوا يغيروها أو يشكوا في حُكمهم على الأمور
والحقيقة إنه من الصعب تكوين
وجهة نظر عن شخص من خلال أول لقاء..
الانطباعات الحقيقية بتحتاج
وقت ومجهود مننا علشان تكون صادقة..
علشان كده احترس من التسرع في إصدار آراء
على الناس اللي حواليك..
خصوصاً إنك متعرفش ظروفهم
أو المشاكل اللي بيعدوا فيها..
وبلاش تثق في رأيك عن الناس طول الوقت
لأن التغيير هو سمة البشر وسُنة الحياة..
كل شخص عنده فرصة إنه
يشتغل على نفسه ويغير عيوب كتير جواه..
وده يخليك أنت كمان تدي لنفسك
أكتر من فرصة لتكوين انطباع عنهم..
وافتكر دايماً إن الانطباعات الأولى..
مش لازم تدوم...!