منتدى الفرح المسيحى - اللي تخاف منه اجهزله

https://upload.chjoy.com/uploads/164694359802251.jpg

لأسباب كتير في وقتنا الحالي
وبسبب اللي حاصل في مجتمعات المتجوزين
أو المشاكل الزوجية ونسب الطلاق العالية
أو حتى مشاكل في التربية من الطفولة..
ناس كتير خايفة تاخد خطوة الزواج أحسن تفشل،
أو تتعرض لنفس المشاكل اللي بتسمع عنها..
أو حتى تتدبس أو تتعب في زواجها
أو لأي سبب تاني.. والخوف بقى فعلا عائق كبير
موجود في قلوب شباب وشابات كتير..
لكن على عكس المثل اللي بيقول
"اللي تخاف منه ميجيش أحسن منه"
اللي هو إزاي مش عارف؟!
أنا جاي النهاردة أقولك كدا
"اللي تخاف منه.. اجهز له!"
اجهز له بكل طاقتك واللي تقدر عليه،
اقرأ، خد كورسات، اشتغل على نفسك.
أتعلم من خبراتك وخبرات الناس اللي سبقوك.