منتدى الفرح المسيحى - انا معجب بيكي لكن

https://upload.chjoy.com/uploads/164680593041851.jpg

- أنا مُعجب بيكي وعاوز أتجوزك...
مُعجب جداً بأفكارك وأرائك..
بس كلامي ورأيي هو اللي هيمشي عليكي،
- مُعجب جداً باستايل هدومك..
بس مش هينفع تلبسي الهدوم دي تاني،
- مُعجب جداً بانفتاحك في علاقاتك..
بس من فضلك متكلميش ولاد غيري،
- مُعجب جداً إنك بتشتغلي وبتحققي ذاتك..
بس لما نتجوز هتقعدي في البيت تربي العيال،
- مُعجب جداً بحياتك..
بس اسمحي لي أدمرها لك،

النوعيات دي موجودة في حياتنا كتير..
وللأسف في بنات كتير مقتنعة
إن اللي بيعمل كده شخص بيحب بجد..
متسمحيش لأي شخص يدمر حياتك
لأن عنده مبرر اسمه الحب..
اللي بيحبك بجد هيديكي الحرية
إنك تعيشي حياتك بطريقتك..
وهيكون دعم وسند ليكي
في مشوارك وهيفرح لنجاحك..
أوعي في يوم تتنازلي عن حلمك
وهدفك في الحياة علشان شخص أناني
مش بيحب غير نفسه..
افتكري إن الله كرمك بأنه خلقك إمرأة
ليكي دور مميز في الحياة.
☺️