منتدى الفرح المسيحى - ده أنا اتغيرت علشانك

https://upload.chjoy.com/uploads/164598755938281.jpg

فاكرين إنجي وبسيوني...؟!
أيوة بتوع فيلم "الباشا تلميذ"
طيب فاكرين قصة الحب
الرهيبة اللي كانت بينهم؟!
وإزاي كانت صدمة انجي لما اكتشفت
إن بسيوني كان بيخدعها...؟!
قالت له ساعتها جملة صعبة جداً..
ليه كده يا بسيوني؟؟ ده أنا اتغيرت علشانك!
كتير من الناس فاكرين إنهم
علشان يتحبوا من اللي حواليهم..
لازم يغيروا من نفسهم شوية..
في اللي بتغير شكلها وطريقة لبسها
علشان تعجب غيرها، وفي اللي بيغير طريقة كلامه
وأفعاله علشان البنات تحبه..
ولما بيعملوا كل ده وفي الآخر مش بيتحبوا
بيتصدموا ويحبطوا...
لكن اللي عاوز أقولهولك إنك مش محتاج
تتغير علشان تتحب..
لكن في الحقيقة أنت محتاج تتحب علشان تتغير
الشخص اللي بيحبك زي ما أنت هيساعدك إنك تتغير
وهيفضل متمسك بيك وأنت بتعافر في سكة التغيير
وهيشجعك لما تقع وتيأس من نفسك
علشان تكمل تتغير..
دور على شخص يحبك بجد
ويكون سند ليك في سكة التغيير.
☺️