منتدى الفرح المسيحى - 7 وصايا للزوجات الشابات

https://upload.chjoy.com/uploads/164574362772531.jpg

"لِكَيْ يُدَرِّبْنَ الشَّابَّاتِ عَلَى أَنْ يَكُنَّ
مُحِبَّاتٍ لأَزْوَاجِهِنَّ وَلأَوْلادِهِنَّ، مُتَعَقِّلاتٍ،
عَفِيفَاتٍ، مُهْتَمَّاتٍ بِشُؤُونِ بُيُوتِهِنَّ صَالِحَاتٍ،
خَاضِعَاتٍ لأَزْوَاجِهِنَّ، حَتَّى لَا يَتَكَلَّمَ أَحَدٌ
بِالسُّوءِ عَلَى كَلِمَةِ اللهِ." (تي2: 4-5)...

في الآية دي الرسول بولس بيدي للزوجات
7 نصائح مهمة جداً..
وبيوصيهم إنهم يكونوا:

1) مُحبات لأزواجهن: 😍
الزواج أساسه المحبة بين الزوجين،
ومش المقصود بالمحبة الإعجاب والمشاعر بس،
لكن كمان البذل والعطاء والتضحية.

2) مُحبات لأولادهن: 👨‍👩‍👧‍👧
لو الزوجة قررت تكون أم،
لازم تدي وقت وطاقة لأولادها،
لأن المحبة بالنسبة لهم بتترجم بصورة عملية.

3) مُتعقلات: 🙌
وهنا يقصد إنهم يعرفوا يتصرفوا مع المشاكل بحكمة،
وكمان يبقى عندهم قدرة على ضبط نفسهم
وانفعالاتهم وقت الأزمات.

4) عفيفات: 🙏
عايشين بنقاوة وطهارة في بيوتهم
وفي علاقاتهم بالناس اللي حواليهم.

5) مُهتمات بشؤون بيوتهن: 👩
عندهم انتماء للبيت واهتمام بيه وباحتياجاته،
وده بالنسبة لهم أولوية.
6) صالحات: ✝️
أفكارهم وأحلامهم لأسرهم كلها خير،
وبيصلوا لأجل أزواجهم وأولادهم.

7) خاضعات لأزواجهن: 👫
الخضوع للزوج بيوضح أد أيه الزوجة بتحبه وتحترمه،
وبيبين إن الزوج هو المسؤول عن بيته
وهو اللي المفروض يقوده،
وزوجته بتساعده في الأمر ده.