منتدى الفرح المسيحى - استرني و لا تحوجني

https://upload.chjoy.com/uploads/16452270422551.jpg

اللي يفهم الستر و جماله لا يتمني و لا يطلب غيره ..

اولهم ستر البركة : ان ربنا يخللي اي قليل معاك مهما كان يكفيك و يغنيك و يرضيك ..

ستر الغفران : ان ربنا يهدي قلبك للتوبة و يسامحك عن غلطاتك ، و يكفيك شر الفضيحة و التأديب..

ستر من مذلة المرض : لما ربنا يحميك من تعب العيا ، او لما يسمح لك انك تمرض يوفقك لطبيب امين و علاج ناجح من غير ما تتبهدل او تتحوج لحد ..

ستر من حوجة الجوع : ‏ لما اللي معاك يكفيك تشبع و انت راضي حتي من أبسط لقمة ..

ستر من ذل الاكتئاب : لما تعرف تضحك وأنت حزين ، و تبقي شاكر و راضي و تعدي الوجع و انت رافع راسك..

‏ستر من وجع الوحدة : لما ربنا يرزقك اهل طيبين يرعوك ، و معاهم كام صديق محب تقدر تفضفض له و تشكي له و تتونس بيه و تطمن علي نفسك و انت معاه ..

ستر من ذل الحوجة و مد الايد : لما ربنا يرزقك بشغل حتي لو بسيط يكفيك و يرضيك ..

ستر الأسر و البيوت : لما ربنا يرزقك شريك حياة من ايده بيحبك ، شبعان وفاهمك وواقف في ضهرك وشايل الهم معاك ..

ستر من تعب رباية الاولاد : لما يريح قلبك علي ولادك و يبارك لك في اخلاقهم وتعليمهم و مستقبلهم و بيوتهم ..

ستر الحلول : يعني المشكلة تيجي و معاها سرعة الحل اللي يريح قلبك و ينيمك مرتاح البال ..

يا رب اله الستر : استرني و لا تحوجني..