منتدى الفرح المسيحى

https://upload.chjoy.com/uploads/164519772840391.jpg

تاماف صوفيا
هى أول وأم مكرسات دير العذراء بأسيوط
تكرست سنة 1967
أنبا ميخائيل كان بيسميها ملاك الدير!!!
لم أتعامل معها كثيرا
من كام سنة اصابها نزيف فى المخ وجات المستشفى لعلاج الضغط
لم يكن النزيف خطيرا
قالولى اطلع شوفها علشان ضغطها عالى
طلعت لها قلتلها سلامتك
لم تكن فى غيبوبة ولا فى كامل وعيها
قالتلى ودينى ديرى وقلايتى وأنا هخف على طول
وتحسنت حالتها ورجعت ديرها وعاشت سنين
والسنة اللى فاتت فى مثل هذه الأيام قضيت اربع ايام فى الدير ولاحظت حاجة عجبتنى جدا وتعلمت منها درسا جديدا
بصوا عالصورة دى
خلف الباب ده خورس المتناولين
كانت تاماف تقف فيه طول القداس إلا فى ساعة القراءات
فكانت تخرج منه وتقف وتسند ايدها عالمنجلية دى
وتسمع القراءات بتركيز شديد كما لو كانت تلميذة بتتعلم درس اليوم كما هو واضح من نظرة عينيها فى الصورة
أول مرة اعتبرتها صدفة بلا مدلول لكنى اكتشفت انها بتعمل الحكاية دى كل يوم
وبمجرد انتهائها تدخل خلف الباب تكمل القداس واقفة أو ساجدة
وتختفى بعد القداس الى حجرتها بسرعة
راحت السما النهاردة
إطمنى يا تاماف. هتلاقى هناك قلايتك معاكى