منتدى الفرح المسيحى - نادى الرب وقال يا يونان

https://upload.chjoy.com/uploads/164498838368211.jpg

نادى الرب وقال يا يونان قوم الآن وصل فرمان
روح لمدينة كبيرة عظيمة قولهم إن هلاكهم قرب
وإن بلدهم لازم تخرب ومافيش وسط شرورهم مهرب
ومافيش أى طريق لنجاتهم قام يونان ونزل فى الحال
دور على مركب رحال وسأل ع المركب ده وقال
على فين رايح ؟ قالوا كلنا رايحين ترشيش
دفع الأجرة مع البقشيش وهرب علشان هو يعيش
ويسيب شعب نينوى لهلاكه ودخل جوة المركب ناااااااااام
كله خلاص مظبوط وتمام والمركب إتحرك قام
ووصل وسط البحر وفجأة
هبت دبت ريح جبارة والأمواج ثايرة وغدارة
خافوا أترعبوا قوى البحارة
وراحوا قوام يصرخوا لألههم
إلا يونان .. لساه نعسان
لساه كده بالنوم هربان
بس قوام صحوه وجابوه
علشان لما يكون وسطيهم
يعملوا قرعة عليه وعليهم
والقرعة هتقول مين فيهم
أغضب ربه .. ويبان ذنبه
عملوا القرعة كمان وكمان
والقرعة طلعت بيونان
سألوه مالك ؟.. قال هربان
من وجه إله كل الكون
خافوا أترعبوا من المكنون
سألوه إيه هيحصل ويكون
رد وقال فى المية أرمونى
راحوا خدوه ..وأول ما رموه
كل البحر بقى فى سكوت
أمنوا فى وقتها من غير صوت
فجأة طلع م المية الحوت
علشان يبلع بس يونان
زى ما أمره الله الديان