منتدى الفرح المسيحى - حوار بين انسان والنبي يونان

رايح علي فين يايونان ؟
رايح علي ترشيش*

مافيش رغبة جوايا اروح نينوي مافيش*

واروح ليه نينوي ...ومراحمه تكون ليهم دوا ...وكلامي اللي هقوله يروح كدة في الهوا*

اسف ياللي خالقني ..وخلتني رسول..الامر ده هيضايقني وانا عن كدة مش مسئول**

هربان حيران رايح اهرب علي ترشيش ...مش هقدر أنفذ رسالتك اختارلك حد تاني ومتنادنيش*

يايونان ..الريح هايج حواليك ...والبحر غضبان عليك ..والنوم صار صاحب ليك يايونان قول ايه اللي حصل؟

عارف ان انا السبب في كل اللي حاصل ..ونفسي اموت بقي مافيهاش عندي فواصل*

ارموني في البحر يهدا واتركوني لمصيري ...وقتها انا هرتاح والهي يشوف له غيري*

يايونان ..ربنا له الف حل حتي لو في اخر الكون ...قول كلام براحتك ...وكلامه هو اللي هيكون*

صرخة من اعماقي المياه وصلت لأحشائي.. ومن جوف الهاوية صرخت..استجب لي ياالهي ..اسف اني عاندتك هربت و رحت سبتك ....وفاكر بهروبي ....هتختارلك حد تاني*

والعشب التف عليا ..والظلام ساد حواليا ..دلوقتي مش بإيديا ارجع اخدمك تاني.... كدة برضه تنساني**

يايونان ..الحوت ضخم ولكن ..ربك في قلبك ساكن ..بيعفو وينجي من كل خطر الاماكن*

شكرا ياسيدي لأعود انظر هيكلك هاأنذا ارسلني انا خاضع لرؤيتك*..ادخل جوايا ..واغسل ياالهي نوايايا

يا لا ياشعب نينوي بعد اربعين يوم هتدمر مدينتكم ، كلمة اتقالت وخلاص*

ويوم بعد يوم وخلصوا الاربعين يوم ومافيش حاجة حصلت يارب مافيش*

شكلي بقي ايه قدامهم ، اقول كلمة ومتمشيش ، علشان كدة انا كنت عاوز أهرب علي ترشيش*

خد حياتي مني ياريتني اموت وانتهي*

كنت عارف مراحمك مع نينوي هتبتدي

واخرتها* اني كئيب حزين و مضايق*

والضيق بقي حتة مني وشكلي مش لايق