منتدى الفرح المسيحى - السكوت هنا خير

https://upload.chjoy.com/uploads/16448625171861.jpg

انت ممكن بنظره ساخره
مجرد نظره بهدف التقليل
تهدم شخص وتحسسه انه صغير اوي

انت ممكن بكلمه مش في محلها
مجرد كلمه سخيفه
تقتل شخص وتمحي ثقته بنفسه

انت ممكن بمقارنه مالهاش لازمه
مجرد مقارنه ساذجه
تقتل شخص وتحسسه انه ملوش قيمه

انت ممكن بضحكه صفرا
مجرد ضحكه
تقتل شخص وتقنعه انه غير مرغوب فيه

وغيرها من الحاجات البسيطه جدا
اللي من وجهة نظرك هاتعتبر انها هاتعدي ومش هاتتلاحظ
بس في الحقيقه بتتلاحظ ومش بتعدي وبتكون بمثابة الحبل اللي بتشنق بيه مشاعر اللي قدامك

النوعية دي اللي بتسبب عثره لغيرها
النوعيه دي اللي بتتسبب في اذى نفسي رهيب لغيرها
النوعيه دي اللي بتمحي ثقة اللي قدامها في نفسها
النوعيه دي اللي بتدخل غيرها في حاله من التذمر وعدم الرضا

الكتاب قال عنها

"وَيْلٌ لِذلِكَ الإِنْسَانِ الَّذِي بِهِ تَأْتِي الْعَثْرَةُ!" (مت ١٨: ٧)

فلو معندكش كلمة تتقال ولا ايد تسند ولا ضحكه تفرح
فالسكوت هنا خير من اي شئ يسبب لغيرك عثره ويسبب ليك الويل

كونوا رحماء