منتدى الفرح المسيحى - الحب من غير سبب قمة الأدب

https://upload.chjoy.com/uploads/164485950983431.jpg

كان في مثل غريب بيتقال زمان
اسمه ( الضحك من غير سبب قلة أدب! )
أنا جاي النهاردة أقولكم فككوا منه خالص
وخلينا في الحب
الحب اللي من غير أسباب واضحة دا،
اللي من غير مناسبة اللي بيفاجأنا بجماله
وبساطته وعمقه والبهجة والفرح اللي بيزرعه في قلوبنا
والمشاعر الجميلة اللي بنختبرها في وجوده
أيوة اقصد المشاعر العاطفية، الحب العميق
ما بين اتنين نفسهم يكملوا حياتهم مع بعض
ويوصلوا لخطوة الزواج علشان يبنوا حياة جديدة
ممتعة مع بعض.
بس الحقيقة بقى
أن اللي هيوصلهم للخطوة الغالية دي
مش هي المشاعر الرومانسية الجميلة
ولا الدباديب الحمراء اللي هيجيبوها لبعض النهاردة
في الفالانتين. لكن قراراهم بالالتزام بالأمانة
والمحبة العملية المضحية ناحية بعض،
بإرادتهم الحرة أنهم هما اللي يعملوا كل يوم عيد مختلف
لشكل جديد من اشكال الحب،
ويخترعو لغة جديدة من لغات الحب..
وتتعمل كمان من حياتهم قصائد جديدة في أدب الحب!
ويكمل حبهم بدون شرط، قبول غير مشروط،
ومشاعر وسلوك غير مشروطة.
أصل الحب من غير سبب ..قمه الادب!.
عيد_الحب 😍🤩