منتدى الفرح المسيحى - فى مجتمعنا الشرقى العريق فيه حقوق محفوظة للرجال

فى مجتمعنا الشرقى العريق فيه حقوق محفوظة للرجال فقط ... و ممنوعة على البنات منعًا باتًا ... نذكر بعضها على سبيل المثالhttp://www.arabchurch.com/forums/ima...ies/scenic.gif :
1- البيه حقه يدخن براحته .. لكن البنت عييييييييب .
2- الباشا يقدر يسهر للفجر برا البيت و محدش يقدر يكلمه .. لكن البنت آخرها 10 و لو اتأخرت دقيقة يتفتحلها محضر و س و ج و احتمال تتحرم من الخروج فترة محترمة كنوع من انواع العقاب و التأديب .
3- الأستاذ حقه جدًا يشتم و بأقذر الألفاظ .. لكن البنت عييييب تبقى قليلة التربية لو مجرد لمحت عن شتيمة مش قالتها !!!http://www.arabchurch.com/forums/ima...lies/act23.gif
4- ياسلام بقا لو الولد بيعرف يعمل كام حركة قذرة على كام كلمة تلميح فيها قباحة و دلالات جنسية ياااااة يبقى ولد مخلٌص و مقطٌع السمكة و ديلها . لكن البنت ...... !!!
5- من حق الولد فى الترام او المترو او الأتوبيس يتحرش بالبنت عادى جدا و مفيش شحط يقوله انت بتعمل ايه ... لكن البنت متنطقش و حتى لو عملها حاجة لازم تفضل واقفة زى الصنم .. و متقولش حاجة .. اصل اسهل كلمة هيقولهالها انا معملتش حاجة و انتى بتتلككى و يفضحها و حتى لو فيه راجل تانى شايفه هيعمل عبيط !!!http://www.arabchurch.com/forums/images/smilies/a82.gif
6- برضه من الحقوق المكفولة للولد ( و اللى مفيش ولد بيفرط فيها بصراحة ) انه يكونله ماضى و عامل علاقات مع نص بنات البلد .. لكن يوم ما يجى يتجوز البيه لازم بنت مبتطلعش من بيتهم ولا عمرها لمحت راجل قبله !!
7- البيه حقه يسافر و يبات عند صحابه أو يخرج و يقفل موبايله بالساعات و لو جدع ابقى لاقيه .. لكن لو البنت بالصدفة موبايلها فصل شحن تبقى كارثة و هى اكيد قفلاه و بتعمل مصيبة !!http://www.arabchurch.com/forums/ima...lies/act31.gif

الحاجات دى مجرد امثلة مش حصر كامل لكل حقوق الشباب المحرمة على البنات تمامًا . و أظن من حقى كأنثى انى أطالب بالمساواة ( هى جت عليا يعنى ) بس انا عايزة مساواة من نوع آخر .يعنى انا مش عايزة البنات تعمل زى الشباب .. تؤ تؤ .. انا عايزة العكس !!!! ... يعنى زى ما بنحرم السهر و التدخين و الشتيمة و الخروج و القباحة على البنات .. نحرمها على الشباب كمان ( ولا هى خيار و فقوس ) .. لان الضرر واحد للجنسين .. يعنى التدخين زى ما بيضر البنت بيضر الولد .. و الشتيمة قلة تربية سواء للولد او للبنت .. و الولد اللى بيتسلى ببنات الناس لازم يكونله سمعة زيه زى البنات ....http://www.arabchurch.com/forums/images/smilies/t32.gif

عزيزى الراجل متحرمش على البنات اللى انت محلله لنفسك .. الغلط غلط ليك و لغيرك .. و الرجولة مش حصانة تحميك من العقاب على أى غلط تعمله ... الرجولة بجد انك تمنع نفسك من الوقوع فى الغلط قبل ما تنتقد غيرك فيه