منتدى الفرح المسيحى - لو لوحدك اصرخ للرب

https://upload.chjoy.com/uploads/164405799681041.jpg

دايماً باحس إني لازم أكون قوي حتى وأنا في أصعب ظروفي …
علشان المسؤولية اللي عندي وعلشان متعبش حد معايا …
ديما باكون عاوز أسند اللي حواليا حتى وأنا مكسور …

من يومين قعدت أعيط لوحدي من قلة الحيلة
ومن أني مش عارف أعمل أيه ولا أروح فين 😔
وفتحت الكتاب من الموبايل وقريت الأية دي 👇
لِمَاذَا أَنْتِ مُنْحَنِيَةٌ يَا نَفْسِي؟ وَلِمَاذَا تَئِنِّينَ فِيَّ؟ تَرَجَّيِ ٱللهَ
، لِأَنِّي بَعْدُ أَحْمَدُهُ، خَلَاصَ وَجْهِي وَإِلَهِي.
اَلْمَزَامِيرُ ٤٢: ١١

وفضلت أرددها كتير وحسيت إن ربنا بنفسه بيطبطب عليا..
أه ظروفي زي ماهي لكن لما طلبت الرب حسيت بوجوده
وانه معايا وإن هو الرجاء 💜

لو انت لوحدك ومحدش حاسس بيك…
أصرخ للرب
لو انت اللي ديما بتسند ومش لاقى حد تتسند عليه
الرب موجود.. الرب جنبك حاسس بيك أترجاه
ووقتها هيجبر كسرة نفسك، وهيسمع أنينك ويطبطب على قلبك💜 ووقتها هتقدر تكمل في كل ظروفك🙌