منتدى الفرح المسيحى - معين نظير مش ااقل مني في العقل ولا القدرة ولا القرب من الله

https://upload.chjoy.com/uploads/16439865342781.jpg

لما بنقرا قصة الخلق في سفر التكوين..
بنشوف إن الله خلق آدم في الأول
وبعدها بوقت خلق حواء..
وده خلى ناس كتير تعتقد إن آدم
أعظم وأهم من حواء..
لكن الحقيقة الفكرة دي مغلوطة تماماً،
والدليل على كده كلام الله نفسه لما خلق حواء،
"وَقَالَ الرَّبُّ الإِلهُ: «لَيْسَ جَيِّدًا أَنْ يَكُونَ آدَمُ وَحْدَهُ،
فَأَصْنَعَ لَهُ مُعِينًا نَظِيرَهُ»" (تك2: 18)
تعبير "معين نظير" معناه ببساطة
إنها سند مساوي ليه..
فحواء إنسان زيها زي آدم..
متقلش عنه في الكرامة
أو في المكانة عند الله ولا تزيد..
الله ميز حواء بكل الامتيازات اللي ميز بيها آدم لما خلقه
كل اللي يفرق حواء عن آدم
هو التكوين الجسماني والدور في الحياة..
وده اللي الكتاب المقدس بيعلمهولنا
عن الفرق بين الراجل والمرأة..
إنهم مخلوقين متساويين في الحقوق
ومختلفين في الأدوار..
ومفيش أي حاجة بتقول إن المرأة أقل من الراجل
في العقل أو في القدرات أو في علاقتها بربنا..
الراجل بيحتاج لوجود المرأة في حياته والعكس صحيح،
وده يقول لنا أد أيه إن الاتنين ليهم أهمية في الحياة..
علشان كده أوعى كراجل في يوم
تحتقر مكانة المرأة في الحياة..
وأوعي كمرأة تشعري إنك ملكيش لازمة قصاد الراجل،
وجود كل شخص فينا مهم جداً ومؤثر في حياة التاني.