منتدى الفرح المسيحى - يا روح الله القدوس قويني

https://upload.chjoy.com/uploads/164340255696091.jpg

اوقات في حد يقولك (مالك) بس تلاقي نفسك مش عارف تجاوب
مع ان اللي جواك كتير
بس تحس ان اللي جواك مافيش كلام عارف يوصفه
بس هو اللي جواك خلاك فجاءه مكتوم وساكت ونفسك اللي قدامك يفهم اللي جواك
من غير كلام يفهمك من تنهيده او من نظره عينك
عاوز اقولك ان (الروح القدس ) بيعمل كده
بيقول الكتاب (وَكَذلِكَ الرُّوحُ أَيْضًا يُعِينُ ضَعَفَاتِنَا، لأَنَّنَا لَسْنَا نَعْلَمُ مَا نُصَلِّي لأَجْلِهِ كَمَا يَنْبَغِي.
وَلكِنَّ الرُّوحَ نَفْسَهُ يَشْفَعُ فِينَا بِأَنَّاتٍ لاَ يُنْطَقُ بِهَا." (رو 8: 26).
حتي لو مش عارف اقول ايه هو حاسس هو بيترجم التنهيده والوجع اللي جوانا لكلمات قصاد عرش ربنا
بيقوله ابنك تعبان،ابنك مجروح،ابنك تايه. ابنك مستحمل .ابنك محتاج .
قوله بس (يا روح الله القدوس قويني)
وهو هايفهمك من غير كلمه (مالك) اللي مالهاش رد عندك