منتدى الفرح المسيحى - جاهز يا فندم

https://upload.chjoy.com/uploads/164338995609141.jpg

لو قررت تلعب لعبة خطيرة شوية
زي البالون مثلا أو حتى Zipline
غالبا بتروح وبتتفرج على ناس قبلك الأول
وبعدين ييجي دورك وتجَهز نفسك
وتلبس الحبال وتشدها وتربطها كويس
وتاخد نفس عميق وتلاقي الراجل
اللي مسئول عن اللعبة يسألك. جاهز يا فندم؟
ولما تقول آه ساعتها يبدأ يزقك أو يرميك
أو يطَير البالون! لكن للأسف الشخص دا
مش بيكون موجود واحنا داخلين
على قرار خطير ومهم جدا في حياتنا
وأصعب بكثير من لعبة البالون
أو الـ Zipline زي الجواز..
ولا في أي حد خالص بيسألنا السؤال المهم دا.
جاهز يا فندم؟!
غالبا إحنا اللي لازم نسأله لنفسنا..
ومن الحكمة اننا منبدأش في التحرك
غير لو كانت الإجابة عليه صادقة ومُرضية
ومؤكدة إننا بالفعل جاهزين على كل المستويات
ماديا ايوة لكن كمان نفسيا..
لأن شخصياتنا دي هي اللي هنتعامل بيها
مع الطرف الثاني في الجواز وهي اللي هتحدد
شكله وملامحه ونوعه.
ها جاهز يا فندم؟!