لكل يوم زوّادة: كيف بتوصل ع السما

"مشكلة البشر اليوم انهم يريدون الحصول على السماء بدون تعب."
هالقول هوّي لأبونا يعقوب الكبوشي. معو حق!
من بين المشاكل الكتيرة اللي عِنّا هيّي انّو بدنا كل شي عالهيّن. تعوّد الإنسان يستعمل ذكاه تا يسهّل حياتو و هالشي كتير حلو و مش غلط ابدًا بس لمّا بدّو يصير يتشاطر عا ربنا اللي خلقو و حافْظُو هون ما بيمشي الحال! مش اذا كل يوم بتبعت صلوات عالواتساب للcontacts عندك و بتحطّ status صُوَر القدّيسين و آيات من الإنجيل و من تاني ميلة بتكذب او بتألّف حكي و بتحكي عالناس يعني ربنا رح ينغشّ فيك! الله الوحيد اللي قد ما لبست وجوه بيعرف وجهك المزبوط و بيعرف كل نيّة و كل فكرة بتمرق براسك و عا هودي رح يحاسبك! بس تتعب و تحب كتير و تضحّي و تنقّي قلبك و تتّوب ساعتها بتوصل عالسما!