منتدى الفرح المسيحى - اوقات كتير بنقول للي قدامنا " أنا مكنتش اتخيل أنك تطلع كدة

اوقات كتير بنقول للي قدامنا "
أنا مكنتش اتخيل أنك تطلع كدة"
أو انا كنت مستنية اهتمام زي منا بهتم وبقدر
أو " أنا كنت فاكرك حاجة تانية " . وبنرمي المسؤلية في الناس وصدمتنا فيهم عليهم هما ، ولكن في حقيقة الأمر هي مسؤليتنا احنا بس ، هما مالهمش دعوة بالصورة الحلوة اللي رسمناهالهم في خيالنا أو هما باعهولنا واحنا أشتريناها وصدقناهم ، هما مالهمش دعوة بأفتراضنا فيهم الحب أو حسن المعاملة أو الجدعنه أو رد الجميل أو الخوف علي العشرة .. ،
كل أفتراضاتك و حسن نوياك تخصك لوحدك .. ! ، متقولش المفروض كان يعملى كذا ،
أو أستنيت أنه يعاملني بطريقه معينه ، أو أستنيت منه يعمل كدة ... توقعاتك للناس وتصرفاتهم وردود أفعالهم في الغالب دايما هاتصدمك و تحبطك و تخذلك لأنك بتفترضها بناء (عليك أنت)
وعلي (تربيتك) (وأخلاقك )
(وثقافتك) (ودينك)
(وحسن نيتك)
ومعاملتك معاهم ، ولكن الناس هما مش أنت
ومش صح
أنك تقيس الكون كله بدماغك أنت ورؤيتك أنت ومفاهميك أنت .. عشان متتصدمش !!