منتدى الفرح المسيحى - ارجع عند الركن الهادي

https://upload.chjoy.com/uploads/164262783999761.jpg

يا صديقي القوي ..
انت يمكن متسددة ليك لكمات وضربات وهيئتك مليانة كدمات وكسور ويمكن ساند نفسك وواقف بالعافية ..
لكنك مازلت في الحلبة ..
محدش يقدر يقول إنك اتهزمت، محدش يقدر يقول خلاص الصراع اتحسم وخلص
، وخصمك ميقدرش يفرح بفوزه .. ليه ؟
لأنك لسه جوا الحلبة مطلعتش واستسلمت ولا الجولات انتهت،
لأن قوتك أينعم بتقل لكنها مش صفر، لأنك لسه بتنافس وبتسدد ضربات وقلبك حي بينبض ويضخ
، لأنك متعرفش حالة خصمك من جوا عاملة ازاي؛ مهزوم مرعوب،
لأن ياما غيرك عند اخر نفس خطفوا الصراع لصالحهم وهوب ضربة قاضية وانتصروا
ارجع عند الركن الهادي ..
التقط أنفاسك واسمع صوت الكوتش بتاعك ارشاده وتشجيعه وتعنيفه.
سيبه يفوقك وينعشك ويشحنك قوة وجبروت عشان ترجع لنص الحلبة تاني لحد ما تنتصر.
وهننتصر اؤمن.