منتدى الفرح المسيحى - ساعة لقلبك وساعة لربك ايه رأيك

https://upload.chjoy.com/uploads/164259037460741.jpg

تعرف يا صديقي...؟!
عندي ليك خبر صادم شوية...
مفيش حاجة اسمها ساعة لقلبك وساعة لربك،
أيوة صدقني زي ما بقولك كده،
هي حياة واحدة بنعيشها
والله بيكون شايفها بكل جوانبها..
وكمان بيكون حاضر في كل حاجة احنا بنعملها،
!طيب تعرف حاجة كمان...؟
لما هنقف قصاد ربنا بعد نهاية حياتنا..
هنتحاسب على حياة واحدة مش حياتين،
ربنا مش هيحاسبنا على اللي عشناه ليه..
ويتغاضى عن اللي عشناه لنفسنا..
فمينفعش نعيش بأمانة وتقوى في اللي يخص ربنا،
وأمور حياتنا العملية تبقى في حتة مختلفة خالص..
طيب تعرف بقى المفاجأة الكبيرة؟
لما المسيح كان موجود هنا على الأرض..
أكتر ناس كان بينتقدهم ويهاجمهم..
اللي فصلوا بين حياتهم مع ربنا وحياتهم العملية،
وكان دايما يتهمهم بالرياء وإنهم عايشين بوشين..
وكلمتين ليك يا صديقي في الآخر،
عيش مع ربنا في كل فقرات حياتك..
وأوعى تنخدع بفكرة إن في حياتين..
هي حياة واحدة، وإحنا اللي بنختار،
يا نعيشها مع الله، يا نعيشها بعيد عنه!