منتدى الفرح المسيحى - قلوب سوداء و قلوب بيضاء

https://upload.chjoy.com/uploads/164253619537941.jpg
فيه ناس قلبها اسود ، و كلامها اسود و طبعها اسود
، لا تتمني الخير لحد و لا تفرح لنجاح حد و لا تتكلم حلو علي حد .
طول النهار تهدم و تكسر و تدمر في سمعة الناس ؛ تحسد و تحقد نجاح الناجحين
، و لأنهم مش عارفين يعملوا نجاح واحد من اللي بيعمله ، يتفرغوا لتحطيم سمعته و تشويه اعماله .
ده مش بس و هو عايش ده حتي لما واحد مش علي هوي قلبها بيموت،
من كتر قلة الحب تقطع في لحمه اكتر من وهو صاحي : منتهي السواد و قلة الحب .
و فيه ناس كده مباركة و متباركة، قلبها جميل قوي ، و ما بتعرفش لا تكره و لا تزعل من حد و لا تزعل حد .
لسانها جميل بجمال قلوبها، و قلبها ابيض بجمال نيتها .
تتمني الخير للكل و تفرح بنجاح الكل و تشجع كل واحد و كل عمل ، تبني و لا تهدم ؛
لو اتكلمت يبقي بالخير و المدح و البركة ، كلامها حلو و طبعها حلو و كلها حلو .
يارب يجعلك من اصحاب القلوب البيضا علشان لون قلبك هو اللي بيلون حياتك
و مصيرك و رزقك و عملك..