منتدى الفرح المسيحى - نصف الحقيقة و طريقة العرض

https://upload.chjoy.com/uploads/164253263206061.jpg

القصة : نصابين .. اشترينا التليفون ، طلع غالي جدا ، و عطل و ما رضيوش يرجعوه ..

الحقيقة : سعره ثابت في كل مكان لانه اصلي ، و لما تم الكشف عليه طلع انه وقع منهم
و تم فتحه و تغيير قطع غيار أصلية باخري تقليد .. بالإضافة انهم جم يرجعوه بعد ٧ أشهر من استخدامه!!

القصة : رحنا لدكتور غير امين و ضحك علينا .. كلفنا تحاليل و اشعات و خد الكشف و لم نتحسن علي العلاج ..

الحقيقة : راحوا لدكاترة تانية و لم يتحسنوا، ثم زاروا الدكتور ده و خفوا تماما لمدة شهور ،
ثم لم يلتزموا بمدة العلاج، و لم يتابعوا ، و وقفوا العلاج فجأة دون الرجوع للدكتور ،
و اتنكسوا تاني بعد سنتين من الكشف الاول و جايين اليوم بعد كل هذه المدة يهينوا الدكتور و يشتكوا من عدم التحسن علشان يستغلوه !!

القصة : رحت مع زوجتي جلسات مشورة و لا استفدت حاجة غير تكاليف و مصاريف و بس
، و مكنتش باخد وقت كفاية ..

الحقيقة : لم يسمعوا اي نصايح ، و مصرين علي كل الأخطاء، و بيتخانقوا بلا توقف ، و مصرين علي تدخل أطراف تانية بما فيهم الاهل ، و راحوا عملوا لبعض محاضر و قواضي ؛ و كانوا يصروا يقعدوا بدل ساعة ساعتين كل مرة بلا احترام لا لوقت الناس و لا لوقت الطبيب !!

خللي بالك من طريقة العرض اللي بتطلع البريء مظلوم لانها تعرض فقط نصف الحقيقة !