منتدى الفرح المسيحى - ولا تعمل حاجة

https://upload.chjoy.com/uploads/164253127454881.jpg

فيه مرات كتير لازم تفكر و تحاول و تجتهد و تعمل كل اللي تقدر عليه قدام سكة صعبة او باب ضيق او طريق مسدود ..
و ربنا لما بيلاقيك بتعمل اللي عليك "يكمل" و بيبارك في عمل ايديك و يفتح لك الابواب و يسهل لك السكة ..

و فيه مرات تانية (يمكن اكتر) تلاقي نفسك "فلست
" ، و بعد كل اللي عملته تلاقي الموضوع اكبر منك ،
و مهما حاولت مالوش حل !

تعمل ايه ؟؟
و لا تعمل اي حاجة : هنا بقي ربنا عاوز يعمل العمل كله
من اوله لآخره ، و يقولك ارتاح و تعالي علي جنب
و سيبني احلها لك من حيث لا تدري او تتوقع ..

دي المرات اللي ربنا شق البحر لموسي
، و طفي النار لل ٣ فتية ، و سد أفواه الأسود لدانيال،
و اسكت العاصفة للتلاميذ و ارسل ملاك ليخرج بطرس من السجن ..

لما ما تلاقي لهاش حل سيبها ، و لا تعمل حاجة ،
و سلمها للي يعرف كل حاجة و يقدر علي كل حاجة ..

ح تتحل لوحدها و يجيلك الحل لغاية عندك .