منتدى الفرح المسيحى - عارفين المقولة الشهيرة بتاعة مارتن لوثر كينج"I have a dream "؟؟

عارفين المقولة الشهيرة بتاعة مارتن لوثر كينج"I have a dream "؟؟

من و انا طفلة وانا بحب قوي لغة الخيال والاحلام و الفانتازي.. كنت بحب قوى اقعد جنب بابا و ماما
واطلب منهم يحكوا لى حواديت.. و كنت دايما بسرح وهما بيحكوا
واعيش الحدوته فى خيالي واحط نفسي مكان البطل او البطلة.. وبعد ما يحكوا الحدوتة ويخلصوا.. الموضوع عندي ماكنش بيخلص.. كنت بكمل انا الحدوتة فى خيالى
واغير فى الاحداث بتاعتها واجرب اعيش مغامرات مختلفة من نسج خيالي.. وممكن احلم بيها بليل وانا نايمة https://www.facebook.com/images/emoj...5/16/1f601.png

لما سمعت بقى كلمة مارتن لوثر كينج دي علقت فى دماغى و اثرت فيا قوي و خصوصا لما عرفت قصته كلها وازاي ان حلمه لأنه حلم عظيم بيتحول لحقيقة حتى بعد ما مات... و كأن لمبة نورت https://www.facebook.com/images/emoj...5/16/1f601.png
وبدأت افكر ساعتها ازاى انا كمان اقدر احول احلامي لحقيقة..

لاقيت ان الاحلام ممكن نغير فيها زي ما كنت بعمل فى الحواديت
وان لما نيجي نحلم لازم نحلم قوي.. حلم كبير قوي.. ما نستكفاش بأى حلم والسلام.. ما نبقاش متواضعين في احلامنا بالعكس..
ومع التجربة اتعلمت حاجات تساعدني اني اخلى الحلم حقيقة.. مثلا انى اعمل plan وخطوات للحلم وابدأ فى التنفيذ.. الاحلام اول ما بتطلع على الورق بتبدأ تتحول لحقايق..

اما بقى اكبر حلم و احلى حلم عندي حاليا - بنام و اصحى احلم بيه - هو انى اقدر اساعد الناس انهم يحسنوا نوعية الحياة اللى بيعيشوها.. نفسي اساعد كل بنى ادم انه يعيش الحياة اللى يستحقها.. اللى هى افضل حياة.. على المستوى النفسي والعقلي
والصحى..

وده لأنى مؤمنة ان ربنا لما خلق الانسان كرمه وحطه فى مكانة عالية.. بس احنا اللى كتير بننسى الحقيقة دى و احنا اللى بنتسبب لنفسنا فى وجع القلب من خلال افكارنا و مشاعرنا و الصور اللى بنركبها للمواقف و للناس اللى ممكن تكون ابعد ما يكون عن الحقيقة و بنعيش فى معاناه بسببها..

و علشان احقق الحلم ده بدأت اتعلم ان افهمني افهم الأول انا عاوزة ايه وايه اللي ممكن اعمله يفرح الناس ويفرحني . بدأت اساعد الناس علي اد ما بقدر اساعدهم انهم يشوفوا افكارهم
واحاسيسهم ومشاعرهم رايحة فين يشوفوا ايامهم بشكل تانى. شكل كله ايجابي مهما كانت بتقابلهم صعاب.. سعادة و فرحة و سلام و رضا و ثقة فى نفسهم و فى ربنا... و الحلم بقى بالنسبة لى رسالة مش بس حلم.. و عندي امل انى اساعد اكتر واكتر لأن المساعدة والمشاركة بتخرجني من المود اللي انا فيه سواء وحدة او حزن حاجات اكتر بكتير جوايا.. افكار كتير فى دماغى محدش يقدر يستعوبها ولا يحسها غير اللي جرب و
(معظمها out of the box ) بدأت اطلعها على ورق و ادرس طريقة تنفيذها.. و كل مادى الحلم بيكبر
وبيبقى حلم اكبر واكبر واقدر دلوقتي اقول
I have a BIG dream