منتدى الفرح المسيحى - أخطر 5 أفكار دينية

https://upload.chjoy.com/uploads/164241215382411.jpg

أخطر 5 أفكار دينية منتشره..
وللاسف بنصدقها ❌
1- "لما أنضّٓف نفسي الأول
وابقى كويس أبقى أروح لربنا". 😕
دي أكبر كذبة إبليس بيضحك بيها علينا،
والكذبة دي بتلاقي تربة خصبة في قلب المتكبر
اللي فاكر انه هيعرف ينضف نفسه لوحده...
والحقيقة إن ربنا وحده اللي يقدر ينضفنا
ويغسلنا من كل خطية وفساد جوانا.

2- "اللي ماشي مع ربنا..
ربنا بيحلله كل مشاكله". 🤷
الله مش هدفه إنه يحل كل المشاكل للبشر،
لكن هدفه إن الإنسان يكون ناضج
في كل المجالات، وعلشان كده أوقات
بيشتغل في حياة الناس من خلال المشاكل
حتى لو متحلتش، ربنا عُمره ما كان الجني
اللي في المصباح السحري اللي بيحل كل المشاكل
وبيحقق كل الأمنيات..

3- "متعملش حاجة وحشة لحسن ربنا يزعل منك". ✋
الجملة دي حقيقية طبعاً، وبتتقال كتير للأطفال،
لكن مشكلتها إنها ناقصة... الله فعلاً بيحزن من الخطية،
لكن حزنه دائماً مصحوب بمحبته، وده اللي بيخليه
بيفرح بتوبة ورجوع الخاطئ.. خلوا بالكم من الجُمل
اللي بتطبع صور مشوهة ومنقوصة عن الله،
الله أعظم من تصوراتنا عنه.

4- "احنا هنروح فين في فلان،
احنا منطولش حتى نبقى ربعه". 🙈
طبعاً دي بتتقال بغرض التواضع وإنك تحس إنك أقل
من القديسين وعُمرك ما هتبقى زيهم...
والحقيقة إن الكتاب المقدس بيعلن لنا
إننا كلنا واحد عند الله، لأنه بينظر لنا في المسيح
فبيشوفنا كلنا كاملين من غير عيب.

5- "معلش يا حبيبي..
ده صليبك ولازم تشيله وتحتمله". 😢
ودي بتتقال علشان نصبر بيها المتألم
ونخليه يتقبله، وللأسف شوهت مفهوم الصليب
في أذهان الكتير من البسطاء..
مش كل ألم بنتعرض له لازم يكون صليب،
في أسباب تانية كتير لألمنا.