منتدى الفرح المسيحى - مقطوع من شجرة

https://upload.chjoy.com/uploads/164231552992791.jpg

فيه جملة صعبة سمعتها قبل كده بتقول "
أنا بكره الأعياد و المناسبات لأنها بتفكرني أني وحيد و ماليش حد" 🥺
الوحدة شعور صعب قوي و مؤلم لأي حد بيعدي بيه 😓
الرب يسوع لما كان على الأرض كان بياخد باله من الحتة دي قوي
و بيقرب من المنبوذين و المتروكين و يضمهم 🥰
و لأنه عارف قد أيه شعور الوحدة ده صعب، شبه كل شخص متروك بنفسه و قال إن اللي هيزورهم و يحبهم كأنه عمل كده معايا بالظبط 👌😍
"ثُمَّ يَقُولُ الْمَلِكُ لِلَّذِينَ عَنْ يَمِينِهِ: تَعَالَوْا يَا مُبَارَكِي أَبِي، رِثُوا الْمَلَكُوتَ الْمُعَدَّ لَكُمْ مُنْذُ تَأْسِيسِ الْعَالَمِ.لأَنِّي جُعْتُ فَأَطْعَمْتُمُونِي. عَطِشْتُ فَسَقَيْتُمُونِي.
كُنْتُ غَرِيبًا فَآوَيْتُمُونِي. عُرْيَانًا فَكَسَوْتُمُونِي. مَرِيضًا فَزُرْتُمُونِي
. مَحْبُوسًا فَأَتَيْتُمْ إِلَيَّ."(متي ٢٥: ٣٤—٣٦)
الرب يسوع كمان كان بيدور على المتروكين دول وسط الجموع لأنه حاسس بوجعهم ووحدتهم ، علشان كده راح لمريض بركة بيت حسدا المتروك من ٣٨ سنة علشان يوصله حبه و يشفيه ❤️
"أَجَابَهُ الْمَرِيضُ:«يَا سَيِّدُ، لَيْسَ لِي إِنْسَانٌ يُلْقِينِي فِي الْبِرْكَةِ مَتَى تَحَرَّكَ الْمَاءُ. بَلْ بَيْنَمَا أَنَا آتٍ، يَنْزِلُ قُدَّامِي آخَرُ"(يوحنا ٧:٥)
المسيح صعد للسما لكنه ساكن في كل واحد مننا بروحه 🙏
علشان كده تعالوا نعمل زي يسوع و ندور على المتروكين و المرضى و اليتامى و اللي مالهمش حد أو قرايب يسأل عليهم و نوصلهم حب يسوع 🙏♥️
كان يجول يصنع خيراً