منتدى الفرح المسيحى - هو حلو بالأوتار دي

https://upload.chjoy.com/uploads/164215941078591.jpg

"هو حلو بالأوتار دي"
الكلام ده قالهولي صاحب ليا مُتيم بالجيتارات
، لما طلبت منه يغيرلي اوتار جيتار قديم مركون عندي
انا كنت راكنه علشان "صدقت" إنه محتاج أوتار جديده
و"صدقت" إن صوته وحش كده
و"صدقت" إنه اقل من باقي الجيتارات، فأهملته وبقيت الحن علي غيره.
مع ان صاحبي عزف عليه وصلي بيه وخَرَج منه صوت رائع، وده لأنه إعتبره أعظم جيتار في العالم.
في علاقات ومواهب وأشخاص في حياتنا احنا "بنركنهم" علشان "مصدقين" اننا لازم نغير "أوتارهم"
مع اننا لو صدقنا انهم "رائعين" هنشوفهم أعظم حاجات ربنا اداهالنا.