منتدى الفرح المسيحى - فرحة العيد للمتالمين

https://upload.chjoy.com/uploads/164151041733391.jpg

الحقيقة إن في كل عيد..
بيكون في ناس مجروحة ومتألمة،
وفرحة العيد بيزيد وجعها..
بغياب الناس اللي بنحبهم،
ومعظمنا بيشترك في نفس آلام الفقد
أو الخوف أو الاكتئاب 💔
علشان كده حلو السنة دي نفهم معنى العيد،
نفهم يعني ايه إن الفرح الحقيقي..
شعور عميق داخلي مش معناه السعادة...
وممكن كمان الفرح يتواجد مع الألم والحزن..
لأن فرحنا مرتبط بتجسد الله لينا على الأرض،
وحضور الله (عمانوئيل) وسطينا
ممكن ميغيرش المشهد من برة..
لكنه بيغير الأعماق من جوة، وبيدي سلام رغم الخوف،
ورجاء وسط الأزمة.. وده اللي شُفناه
وقت ميلاد المسيح نفسه.. لما حصلت مذبحة بيت لحم،
وأحوال الرعاة متغيرتش، ولا اليهود استقلوا عن روما..
لكن كانت بشارة السماء للأرض
إن ميلاد المسيح سبب للفرح..
ده بيخلينا نكتشف ونتأكد إن تدابير الله لخيرنا
وسلامنا وفرحنا معاه مختلفة عن توقعاتنا..
كل عام وكلكم في فرح حقيقي بالله المتجسد 😍