منتدى الفرح المسيحى - العهد الجديد معيه حلول حضور

https://upload.chjoy.com/uploads/164133718828881.jpg

فرق كبير بين العهد القديم والعهد الجديد وكبير جداً كمان…
للأسف ناس كتير في العالم لسة عايشيين بديانتهم أو حتى بمسيحيتهم في العهد القديم🤔🤦‍♂️
ومختبروش العهد الجديد ده،
اللي فيه السما جاتلنا على الأرض بيسوع، وفيه بقى لينا فرصة وعلاقة حقيقية وحيوية (مليانة حياة)معاه…🤝
يحس بينا طول الوقت ونشارك حياتنا معاه وليه طول الوقت 🤛🤜
العهد الجديد مش عهد النعمة وبس الجملة المتكررة …
العهد الجديد هو عهد {المَعِيّة} من غير مفارقة، عهد {الحلول} الدايم، عهد {الحضور} في كل الوقت 👌

يعني أيه الكلام ده؟!
{معية} يعني "معانا". عمانوئيل بقى معانا من غير ما يفارق. معانا وبيكمل معانا ومش بيسبنا🥰
{حلول} يعني مش بس حل بخيمته وسكن وسطينا، لكن كمان ترك روحه فينا عشان نفضل طول الوقت فرحانين ونفضل طول الوقت في مشاركة معاه.
{حضور} يعني طول الوقت حاضر في الأرض من خلال كنيسته اللي هي ببساطة جسده، اللي موجود على الأرض عشان ينقل صورته

الفرق كبير بين العهدين😎
متسمحش لنفسك تعيش في العهد القديم وأنت ليك كل عطايا وبركات العهد الجديد
"يسوع"، "الروح القدس"، "الكنيسة".
شكراً ليك يا رب على عطاياك وعلى "معيتك"، "وحلولك"، "وحضورك" 🙏❤️