منتدى الفرح المسيحى

منتدى الفرح المسيحى (https://www.chjoy.com/vb/index.php)
-   سيرة القديسين والشهداء (https://www.chjoy.com/vb/forumdisplay.php?f=34)
-   -   القديسين المصريين🇪🇬 "باترموثيوس الناسك" و "كوبريوس الكاهن" و "اسكندر الجُندي" (https://www.chjoy.com/vb/showthread.php?t=832527)

walaa farouk 25 - 12 - 2021 07:49 PM

القديسين المصريين🇪🇬 "باترموثيوس الناسك" و "كوبريوس الكاهن" و "اسكندر الجُندي"
 
https://upload.chjoy.com/uploads/164046172815091.jpg


"نهاية أمر #خيرٌ من بدايته👌🏼"

قديسنا كان مصري وثني🇪🇬، رئيس_عصابة🧛‍♂️،
عمّل من الشر ألوان، لَكِنّه في لحظة تعرف علي المسيح عن طريق أحد المؤمنين، و تاب و اعتمد،
و كرّس بقية حياته لرعاية و دفن الموتي😍.
و انسحب فيما بعد للتنسُك في الصحراء،
ووهبه اللَّه بصُنع العجائب💪🏼

و كان هُناك كاهن إسمه "كوبريوس"
اللي بقي بعد كدة تلميذ لقديسنا نفسه،
كان شاهد عيان علي أفعال قديسنا العظيمة🧐،
و سجل سيرتُه و معجزاته
و نقلها للأب "روفينوس" اللي نقلها لأسقُف هيللينوبوليس (اليونان) "بالاديوس" {و هو التلميذ المُكرّس للقديس يوحنا ذهبيّ الفم
و كاتب سيّرته، و صاحب كتاب "تاريخ_لاوسيا(Historia Lusiaca) عمل_ارشيفي لآباء البرية في الصحراء المصرية🇪🇬".


⛔ #رغم ان تلميذه "كوبريوس الكاهن" أظهر اللَّه علي يديه صِحَّة الإيمان المُستقيم👌🏼، لمَّا دخل في #جدال مع المُهرطق "مانيخوس (صاحب البدعة المانوية و هي احدي فرق الغنوصية" …
#لكِن للأسف لما سمع "يوليانوس الجاحد🤴🏼"
عن النُساك المصريين، و أمر بإحضارهم ليه،
علشان يرجعهُم عن إيمانهم، و قال: "انه كان بيخدم المسيح زمان،
لكنّه تعلم ان الآلهة الوثنية بس هي اللي تقدر تقدم الخلاص" … فإنخدع "كوبريوس الكاهن" بكلمات الإمبراطور و أنكر المسيح😔،


⛔ لَكِن بصلوات_و_دموع قديسنا شيخه و معلمه😭
، أدرك "كوبريوس الكاهن" خطيته الجسيمة اللي ارتكبها في حق المسيح، فتاب و اعترف مرة تانية انه مسيحي🙌🏼

⬅️ فغضب الإمبراطور و أمر بتعذيبه😡،
لكن قديسنا قعد يشجع تلميذه علي التحلي بالشجاعة
و التحمُل مُقابل المجد اللي منتظره🤩،
ووقت_العذابات، واحد من الجنود اسمه "اسكندر"
شاف مُعاناة "كوبريوس الكاهن"، فآمن بِاللَّه الواحِد☝🏼
، فإتحكم عليه بالحرق حيّاً🔥، أما قديسنا و تلميذه قُطعت رأسيهما بحد السيف🗡️ و نال الثلاثة أكاليل الشهادة👑


+نُقيم اليوم تذكار القديسين المصريين🇪🇬 "باترموثيوس الناسك" و "كوبريوس الكاهن" و "اسكندر الجُندي" (361م)،
بَركِتهُم فَلتَكُن معنا. آمين🙏🏼

✝️ " فلنتضع، و نطلب من اللَّه الثبات علي الإيمان حتي النفس_الأخير
، و ان يُرسل لنا راعي وصديق صالح #ألصق من الأخ يخاف علي خلاصنا، فإن ضللنا دموعه و صلاته تهدينا و ترجعنا😇"


بشرى النهيسى 25 - 12 - 2021 07:53 PM

رد: القديسين المصريين🇪🇬 "باترموثيوس الناسك" و "كوبريوس الكاهن" و "اسكندر الجُندي"
 


شكرا ا لسيره العطره
الرب يباركك



walaa farouk 14 - 01 - 2022 10:19 PM

رد: القديسين المصريين🇪🇬 "باترموثيوس الناسك" و "كوبريوس الكاهن" و "اسكندر الجُندي"
 
ميرسى على مرورك الغالى


الساعة الآن 02:24 AM

Powered by vBulletin® Copyright ©2000 - 2025