منتدى الفرح المسيحى - أنت غالي جداً عند الله

https://upload.chjoy.com/uploads/163974200858381.jpg

في أيام ما السيد المسيح
كان موجود هنا على الأرض..
كانت أرخص حاجة بتتباع في السوق هي العصافير،
كان العصفورين قيمتهم فلس واحد..
ودي أقل عملة كانت موجودة في أورشليم..
فالتجار علشان يشجعوا الناس تشتري..
كانوا بيبيعوا الخمس عصافير بفلسين.،
يعني كانوا بيحطوا عصفور فوق البيعة..
وغالباً كانوا بيختاروا عصفور صغير وضعيف
ومحدش ممكن يشتريه..
فالمسيح في الآية دي حب يقول لنا حاجة مهمة..
إن حتى العصفور الصغير
اللي مالوش قيمة ولا تمن عند الناس..
ده غالي جداً عند ربنا ❤
وأكد على كلامه ده لما قال بعدها:
"أَنْتُمْ أَفْضَلُ مِنْ عَصَافِيرَ كَثِيرَةٍ!" (لو12: 7)
حتى لو الناس شايفاك قليل وملكش لزمة عندهم،
أنت غالي جداً عند الله 😍😍
والله بيحبك ومش ناسيك ❤
ثق في الحقيقة دي وعيشها 👌