منتدى الفرح المسيحى - ثقة طويله الاجل

https://upload.chjoy.com/uploads/163974123191241.jpg

لو قررنا ندخل جوه مخ طفل صغير
مامته بتاخد من ايده الحلويات
اللي عايز ياكلها بالليل علشان متأذيهوش،
هنلاقي كل اللي فاهمه وشايفه في اللحظة دي
هو اد ايه ماما شريرة ومش بتحبه!..
علشان بتحرمه من الحاجات اللي بيحبها،
واحتمال لو بيعرف يتكلم يعبر عن دا ويقولها جمل
شبه (إنتي وحشة، أنا مش بحبك، وطبعا هيعيط جامد)
بس على الجانب الآخر الأخلاقي بقى،
الأم دي هتبقى مبتحبش ابنها فعلا..
لو سمحتله يأكل حلويات كتير علشان تتجنب زنه
أو حتى علشان ميتضايقش منها..
إحنا كمان أحيانا دا بيحصل معانا في علاقتنا بربنا
بمعنى.. إننا ساعات نستغرب واوقات نتضايق جدا
من حاجة معينة حصلت في حياتنا ضد راحتنا
ورغباتنا واللي بنحبه!..
رغم أن الله في صلاحه وحكمته بيكون شايف
إن دا الأفضل لينا..
الثقة الحقيقية في الأوقات دي هو أننا ببساطة..
نصدق وندرك ونتملي ونثق إن إرادة الله وأعماله
هي بالحق أفضل حاجة لينا..
ولظروفنا ولتطوير شخصياتنا
وكمان لحياتنا الأبدية معاه في السماء.
الثقة_في_الله_نجاح