منتدى الفرح المسيحى - صفات قليلة تمنع بلاوي كتيرة

https://upload.chjoy.com/uploads/163973974391351.jpg

١- نادي علي الناس بالقاب الاحترام (الا اذا رفضوا من باب العشرة) : حضرتك ، سيادتك ، دكتورنا الغالي ، مهندسنا الكبير ، استاذنا ، حبيبنا، الغالي علينا ..

٢-تذكر اسماء الناس جيدا ، و ابذل مجهود في كده ، لان اسم الإنسان اغلي ما لديه ..

٣-استأذن قبل أي عمل حتي مع الأصغر منك : لو تسمح ، بعد اذنك ، لو تكرمت ..

٤-كرر شكرك و امتنانك علي اقل عمل يقدم لك : كتر الف خيرك، سلم ايدك و لسانك ، ربنا يباركك، عاشت محبتك ، يطول لي في عمرك و يبارك صحتك ..

٥-اكثر من الكلام الطيب و المجاملة الصادقة : طمني عليك ، عاوز اي خدمة ؟؟ ، كلمني في اي وقت ، اجي معاك ؟؟ اساعدك ازاي ؟؟ في خدمتك ، انا جنبك ، من عيني ..
اصل اول حلاوة الاخلاق حلاوة اللسان ..

٦-خليك خدوم كلما امكنك ، و اعمل الخدمة دي بجد حتي لو شايف انها صعبة ، و لو ما قدرتش المهم انك ترد عليه و تعتذر و علي الاقل قوله يعملها ازاي ..

٧-اكثر من السؤال علي الناس و كل الناس ، المحتاجين للسؤال ، القرايب و الحبايب، اصحابك و معارفك ؛ كل ما تلاقي وقت "اخطف" مكالمة جميلة او رسالة حلوة تفرح بيها حد ..