منتدى الفرح المسيحى - ركز في الورقة بتاعتك

https://upload.chjoy.com/uploads/163969922964811.jpg

في الموقف اللي كان فيه الرب يسوع بيتكلم مع بطرس
عن ظروف موت بطرس ونهايته على الأرص..

بطرس عمل موقف غريب..
بدل مايحكي أكتر مع الرب عن الموضوع ده..
. راح بص ليوحنا.. وقال للمسيح:
«يَارَبُّ، وَهذَا مَا لَهُ؟» يو ٢١: ٢١

يعني وده أخباره إيه؟ مش هيموت زيي؟

العجيب هو رد الرب عليه..
قال له «إِنْ كُنْتُ أَشَاءُ أَنَّهُ يَبْقَى حَتَّى أَجِيءَ، فَمَاذَا لَكَ؟
اتْبَعْنِي أَنْتَ!». يو ٢١: ٢٢

يعني بالبلدي.. وإنت مالك.. مالكش دعوة بغيرك...
ركّز في الكلام اللي وجهته ليك يا بطرس..

في الحقيقة وأنا بتأمل في القصة دي..
علطول شوفت ده نفس اللي بيحصل معانا...
مرض المقارنات والتركيز الشديد فيما لا يخصنا...

يا سلام لو كل واحد ركز في الورقة بتاعته 😀
ركز في نفسه وبس.. ياسلام.. مكنش حصل كتير من المشاكل معانا.. الدنيا هتكون لطيفة أكتر..

وإنت_مالك