منتدى الفرح المسيحى - اللى بيفضلى من اوقاتى الصعبه

https://upload.chjoy.com/uploads/163955760225911.jpg

اللى بيفضلى من اوقاتى الصعبه مش ذكريات بتشاور بالوجع لكن سندة حقيقيه،..
ضهرى متبصم علاماته عليها
اللى بيفضلى من اوقاتى الصعبه ...
مش جرجره رجلى وحيده لكن اثار رجله اللى غرست من حمله ليا انا وشيلتى
اللى بيفضلى من اوقاتى الصعبه بعد عندى ودبدبتى فى ثوره غضبى ..
قعدته جمبى وهو مستوعب غبائى ورافض يمشى
اللى بيفضل من اوقاتى الصعبه سحابه ناس تمطر على قلبى وترويه حب وتجديد ثقه ان لسه ليا اللى يحبنى
اللى بيفضلى من مكان صلبى وموتى
.الحقيقه . مش اوقاتى الصعبه
لكن ذكرى تحكى بان هنا كانت اعظم ملحمة زرع واثمار .
.هدم وصنع وبناء
هنا يشهد عن اللى كان واللى هيكون واللى سيبقى للابد ...الله😍