منتدى الفرح المسيحى

منتدى الفرح المسيحى (https://www.chjoy.com/vb/index.php)
-   قسم المواضيع المسيحية المتنوعة (https://www.chjoy.com/vb/forumdisplay.php?f=154)
-   -   ماتطفيش الفتيلة (https://www.chjoy.com/vb/showthread.php?t=829039)

walaa farouk 14 - 12 - 2021 09:40 PM

ماتطفيش الفتيلة
 
https://upload.chjoy.com/uploads/163951790741111.jpg


لو كل اللي باقي لك : ٥ دقايق صلاة مش بتعرف تصلي غيرهم .. صليهم وماتوقفش .

لو كل اللي باقي لك : ١٠ دقايق خلوة في اليوم .. كمل وماتقطعهمش .

لو كل اللي باقي لك : ولا ٥ دقايق صلاة ولا ١٠ دقايق خلوة .. وباقي لك صرخة مكتومة جوة قلبك .. اصرخها وماتكتمهاش .


لو كل اللي باقي لك : شخص واحد تخدمه ، اخدمه بكل قلبك واللي عندك .. ماتوقفش .

لو كل اللي باقي لك : أية واحدة هي اللي بيكلمك ربنا من خلالها .. افضل رددها واتأمل فيها ..
ماتخليهاش تعدي .


•• ماتخليش حد يضحك عليك
دي اسمها فتيلة مدخنة والله بنفسه قال انه مش بيطفيها
، بيشوف فيها أمل ورجاء وحنين انها تشتعل من تاني ..
فماتخليش صوت يضحك عليك ويقولك مش فارقة .. مش هاتفرق شوية الدخان دول
، لأ عند ربنا تفرق وشوية الدخان دول هما الامل انه ينور حياتك من تاني .


علشان كدة
فتيلة الدخان الله بيتمسك بيها ومش بيطفيها .. فماتطفيهاش انت !
اتمسك بيها


وبقدر امانتك مع القليل (الفتيلة المدخنة اللي عندك)
بقدر ما هتاخد الكثير (حياتك هايزيد النور اللي فيها)

قَصَبَةً مَرْضُوضَةً لاَ يَقْصِفُ، وَفَتِيلَةً مُدَخِّنَةً لاَ يُطْفِئُ، حَتَّى يُخْرِجَ الْحَقَّ إِلَى النُّصْرَةِ." (متي 12: 20).
ماتطفيش_الفتيلة

بشرى النهيسى 14 - 12 - 2021 10:03 PM

رد: ماتطفيش الفتيلة
 
تأمل جميل
الرب يفرح قلبك


الساعة الآن 04:23 AM

Powered by vBulletin® Copyright ©2000 - 2025