منتدى الفرح المسيحى - الفرح والملامح الهاديه

https://upload.chjoy.com/uploads/163932634300181.jpg

وهايجي منين الفرح والملامح الهاديه.
وانا مش راضي ومش شايف الخير اللي في ايدي
ومش قادر اشوف ان ربنا سندني وجنبي
هايجي منين الفرح والملامح الهاديه وانا مش باصص غير لنفسي
ومش هممني حد غيري واللي جوايا غير اللي برايا
وبقول كلام لكن من جوايا كلام تاني
هايجي منين الفرح والملامح الهاديه وانا روحي مطفيه
ودايس علي نفسي قبل ما ادوس علي اللي حواليا
هايجي منين الفرح والملامح الهاديه
وانا قلبي بيقسي وبينسي ومش بيرحم
الفرح والملامح الهاديه نابعه من قلب باذل
مُحب
مُعطي بسخاء
رحيم
بيشفق علي الناس