منتدى الفرح المسيحى

https://upload.chjoy.com/uploads/163895483720941.jpg

وقت كتير بكون في حيرة وفي قمة توتري
ومش عارف حتى أصلي وحاسس أن أساسا ربنا مش سامعني
بالظبط كدة زي ما قال داود في مزمور ٣١
" أنا قلت في حيرتي: "إني قد أنقطعت من قدام عينيك".
يعني كأنه بيقول يا رب يظهر أنك مش شايفني. وكأني مُت حرفياً وأنت مش حاسس أصلاً بوجودي😔
وقت صعب ممكن تكون بتمر بيه وحاسس نفس المشاعر دي جواك!

الجميل في الكلمات إللي بعديها يقول كدة "
ولكنك سمعت صوت تضرعي إذ صرخت إليك"
بيقول سمعت مش ها تسمع.. يعني فعل ماضي مش فعل مستقبل !
أملا قلبك باليقين والإيمان ده "أنه سامع"
ولأنه سامع
هستمر أصرخ
هستمر أناديك
هستمر أدور عليك
هستمر أحكي معاك
هستمر لأني عارف أنك سامع!