منتدى الفرح المسيحى

الطفل فى السنوات الاولى من عمره بيستمتع جدا بفكرة انه يحرك ايديه على ورقة و ينتج حاجة، مش مهم بالنسبة له شكلها ايه المهم ان فى نتيجة لحركة ايديه على ورقة (سبب و نتيجة).

عشان كده اللى احنا بنشوفه شخبطة ملهاش لازمة هو بيشوفها حاجة كبيرة قدر يعملها.

الشخبطة هى اول مراحل الرسم عند الأطفال و مهم جدا تشجيعه فى المرحلة دى عشان نساعده يبقى واثق فى نفسه و يستمر فى الرسم و ده هيخليه ينمى مهارة الرسم عنده و اللى بيساعده ينمى مهارات تانية مهمة زى المهارات الحركية الدقيقة، المهارات الحسية، كمان استخدام الطفل لخامات و الوان مختلفة هيزيد معرفته و ينمى مهارات اللغة عنده.