منتدى الفرح المسيحى - فيه مطر 🌦️☔

https://upload.chjoy.com/uploads/163872892198651.jpg

بمناسبة الأمطار اللي شغالة حاليًا..⛈️😉

افتكرت موقف إيليا لما كلم اخاب الملك إنه يستعد بسرعة لأن هيكون فيه مطر جامد..
كل اللي عمله أخاب انه أكل وشرب وبعدها ركب المركبة بتاعته.
. لكن إيليا حط وشه بين ركبتيه وصلي للرب..

شتان الفرق بين ملك المفروض يكون عارف إنه لازم يقدم تضرع للرب لأجل إفتقاد الجفاف والحالة الصعبة لكنه اكتفي انه ياكل ويشرب.. وبين شخص فاهم معاملات الله وإزاي يحصل على البركة..

الحالة دي شبه اللي بنعمله في أيامنا دي..
بقى اهتمامنا بس بماذا نأكل وبماذا نشرب.. وبماذا نلهو ونتبسط...
كلها اهتمامات جسدية وياريت بنحس بشبع أو برضى..

أخاب بعد ما أكل وشرب وركب مركبته وجرى بيها.
. مقدرش يحصّل إيليا اللي جري قدامه على رجليه..

أصل مصدر القوة مش في أكل وشرب
لكن في قلب منكسر وروح منسحقة قدام الرب..

يارب ساعدني أدرك إنك مصدر القوة والخير والبركة... 🙏

فيه_مطر 🌦️☔